საქართველოში ცხოველების წამებისთვის ან არასათანადო მოპყრობისთვის პატიმრობა დაწესდა - პარლამენტმა კანონი უკვე მიიღო.

ცხოველებზე მოძალადე შესაძლოა ერთ წლამდე დააპატიმრონ. აქამდე კი მოძალადე ჯარიმდებოდა ან სიტყვიერ გაფრთხილებას იღებდა.

დეპუტატებმა ცხოველებისადმი სასტიკი მოპყრობის შესახებ ცვლილებათა პაკეტი მესამე მოსმენით დაამტიცა და ის დღეიდან უკვე ძალაშია. კანონის გამკაცრების ინიციატორი კი, თბილისის მერია იყო.

ცვლილებით, პატიმრობის ფორმის გამოყენება დაშვებულია ცხოველის წამების პირველივე შემთხვევაში, რასაც ცხოველის დაღუპვა ან დასახიჩრება მოჰყვება.

"ჩვენ ძალიან ბევრი შემთხვევა ვნახეთ, თუ როგორ კლავდნენ და ასახიჩრებდნენ ცხოველებს. ეს ძალიან მძიმე სანახავია და ამ მიმართულებით, კანონის გამკაცრება მნიშვნელოვანია"- აღნიშნა კანონპროექტის ინიციატორმა, კახა კალაძემ.

ცხოველისადმი არასათანადო მოპყრობის შემთხვევაში, 500 ლარამდე გაიზარდა ადმინისტრაციული სახდელის ზომაც.