ერთიანი ნაციონალური მოძრაობა კახი კალაძეს სასამართლოში უჩივის

პოლიტიკა - 12:05, 17 Aug, 2021

1056

"პოლიტიკური გაერთიანება “ერთიანი ნაციონალური მოძრაობა - ძალა ერთობაშია” მიმართავს სასამართლოს პრევენციული აღიარებითი სარჩელით და მოითხოვს ამომრჩევის მოსყიდვის ფაქტის და კანონის მოთხოვნათა დარღვევის გამო კახა კალაძისათვის საარჩევნო რეგისტრაციის უფლების არარსებობის აღიარებას" - აღნიშნულის შესახებ დღეს გამართულ ბრიფინგზე ოპოზიციონერმა დეპუტატმა თამარ კორძაიამ ისაუბრა. "2021 წლის 2 აგვისტოს საქართველოს პრეზიდენტის განკარგულებით დაინიშნა ადგილობრივი თვითმმართველობის არჩევნების და ამოქმედდა საარჩევნო კანონმდებლობის განსაკუთრებული რეჟიმი, რომელიც კრძალავს ამომრჩევლის მოსყიდვას და განმართავს თუ რა მიიჩნევა ამომრჩევლის მოსყიდვად. 2021 წლის 11 აგვისტოს ქ. თბილისის მერობის კანდიდატმა, კახა კალაძემ, რომელიც ქართული ოცნების მიერ წარდგენილ იქნა ოფიციალურად 2021 წელს, გლდანში 36 ოჯახს, სიმბოლურ ფასად, 1 ლარად, საკუთრებაში გადასცა უძრავი ქონება, რაც საარჩევნო კოდექსის 47-და და 49-ე მუხლების შესაბამისად, არის ამომრჩევლის მოსყიდვა. ოპონენტები გვეტყვიან, რომ კახა კალაძის მიერ ქონების გადაცემა მრავალი წელია მიმდინარეობს და ამჯერადაც მიმდინარე პროგრამის ფარგლებში განხორციელებული ღონისიება იყო. უნდა აღვნიშნოთ, რომ მერიის მიერ გამოქვეყნებული მონაცემების თანახმად, არც ერთხელ მსგავს ფაქტს არ ჰქონია ადგილი წინასაარჩევნო კამპანიიის მიმდინარეობისას. 11 აგვისტოს ქონების გადაცემა ადასტურებს იმას, რომ ქართული ოცნება და მისი კანდიდატი დავარნილი რეიტინგის პირობებში არ აერიდებიან კანონის მოთხოვნების დარღვევას. აქვე გაცნობებს, რომ კახა კალაძე ჯერ არ არის რეგისტრირებული, როგორც “ქართული ოცნების” მერობის კანდიდატი, რადგად ეს ვადა იწურება 2 სექტემბერს. აქედან გამომდინარე ჩვენ სასამართლოში წარვაგდენთ პრევენციულ აღიარებით სარჩელს, რადგან სასამართლომ დაადგინოს, რომ ამომრჩევლის მოსყიდვის გამო კახა კალაძეს არ აქვს უფლება დარეგისტრირდეს როგორც მერობის კანდიდატი, რადგან მან უკვე განხორციელებული ქმედებით არათანაბარ პირობებში ჩააყენა პოლიტიკური ოპონენტები" - აღნიშნა კორძაიამ.