ევროპარლამენტარი მარინა კალიურანდი ემხაურება საქართველოს მთავრობის გადაწყვეტილებას ბელარუსთან თანამშრომლობას ინფორმაციის გაცლის თაობაზე და მოუწოდებს ხელისუფლებას, გააუქმოს ეს შეთანხმება.

ევროპარლამენტარი ტვიტერზე წერს, რომ ბელარუსიიდან დევნილები საქართველოში უსაფრთხოდ უნდა იყვნენ.

"მოვუწოდებ საქართველოს ხელისუფლებას, გააუქმოს ინფორმაციის გაცვლის შეთანხმება სუს-სა და ბელარუსის უშიშროების კომიტეტს შორის. ლუკაშენკოს 2020 წლის 9 აგვისტოს გაყალბებული არჩევნების შემდეგ უკანონოდ აქვს მიტაცებული ძალაუფლება. ბელარუსიიდან დევნილი პირები საქართველოში უსაფღთხოდ უნდა გრძნობდნენ თავს", - წერს ევროპარლამენტარი.

შეგახსენებთ, რომ ბელარუსის უშიშროების კომიტეტთან თანამშრომლობის შესახებ შეთანხმება 2016 წელს გაფორმდა. სუს-ში აცხადებენ, რომ ხელშეკრულების გაფორმების შემდეგ საქართველოს ხელისუფლებამ გადადგა ყველა ნაბიჯი დოკუმენტის ძალაში შესვლისათვის.

ბელარუსის რესპუბლიკამ 2016 წელს გაფორმებული დოკუმენტი 2021 წლის აგვისტოში აამოქმედა.