საქართველოს მთავარი პროკურორი გიგი უგულავასთან დაკავშირებულ მოქმედებთან დაკავშირებით განცხადებას აკეთებს:

„მთავარმა პროკურატურამ 21 დეკემბერს მოითხოვა პატიმრობის გამოყენება, ასევე, შემაჯამებელი სასამართლოს მიერ გადაწყვეტილების მიღებამდე, მისთვის უფლებამოსილების შეჩერება.

მთავარმა პროკურატურამ გაითვალისწინა ის გარემოებაც, რომ ამჟამად გიგი უგულავა არის ასევე ბრალდებული კიდევ ერთ საქმეზე, როცა თბილისის ბიუჯეტიდან არამიზნობრივად გაიფლანგა 10 მილიონი ლარი. საერთო ჯამში, პროკურატურა უგულავას 70 მილიონი ლარის არამიზნობრივად გაფლანგვას ედავება.

განსხვავებული, პირადი ანგარებითი მოტივებით საბიუჯეტო სახსრების სხვადასხვა დროს სათავისოდ გამოყენება სახეზეა და არსებობდა საშიშროება, რომ ის კვლავ გამოიყენებდა თანამდებობას საბიუჯეტო სახსრების მითვისებისთვის, ასევე პროცესის მოწმეებზე ზეწოლისთვის.

ამის დადასტურებაა გიორგი უგულავას გუშინდელი განცხადებები, რომლებიც მან პროცესის დასრულებისთანავე გააკეთა და წარმოადგენს მის მიერ პირდაპირ დასახელებულ პროცესის მოწმეებზე ზეწოლას“, - აცხადებს პროკურატურის წარმომადგენელი.

მთავარი პროკურატურა მოუწოდებს გიგი უგულავას, მისი, როგორც ბრალდებულის სატატუსიდან გამომდინარე, თავი შეიკავოს მოწმეთა ზეწოლისგან და პატივისა და ღირსების შემლახველი განცხადებებისგან და აფრთხილებს მას, რომ ეს განხადებები, შესაძლოა, გახდეს პროკურატურის მხრიდან ღკვეთის ღონისძიების შეცვლის მოთხოვნის საფუძველი.

პროკურატურა განმარტავს, რომ არ დაუშვებს მოწმეებზე ზეწოლის ფაქტებს და მკაცრ რეაგირებას მოახდენს მათზე. მთავარი პროკურატურის განმარტებით, სასამართლოს გადაწყვეტილებას პატიმრობის მოთხოვნაზე უარის თქმის შესახებ სააპელაციო წესით გაასაჩივრებს.