NDI-ს კვლევის თანახმად, მოქალაქეებისთვის ქვეყანაში ყველაზე დიდ პრობლემებად უმუშევრობა, სიღარიბე და ფასების ზრდა აწუხებს.

ეროვნული დონის საკითხების პრობლემებთან დაკავშირებით ხუთეული ასეთია:

• სამუშაო ადგილები - 41%
• სიღარიბე - 38%
• ფასების ზრდა/ინფლაცია - 29%
• ტერიტორიული მთლიანობა - 20%
• პენსიები - 15%

რაც შეეხება ეკონომიკურ პრობლემებს, კვლევის მიხედვით, მოქალაქეები მთავარ ეკონომიკურ პრობლემად უმუშევრობას, ინფლაციასა და სიღარიბეს ასახელებენ.

კითხვაზე - თქვენი აზრით, რა არის ამჟამად საქართველოს ეკონომიკის წინაშე მდგარი ყველაზე დიდი პრობლემა, პასუხები შემდეგნარიად გადანაწილდა:

• უმუშევრობა - 59%
• ფასების ზრდა/ინფლაცია - 42%
• სიღარიბე - 19%
• ლარის გაუფასურება - 17%
• დაბალი ხელფასები - 16%

კვლევა 13-25 ივლისის პერიოდში საქართველოს მასშტაბით 2,016 სატელეფონო ინტერვიუს გზით ჩატარდა.

გამოკითხვის საშუალო ცდომილების ზღვარი არის +/- 1.3 პროცენტი. რესპონდენტები შემთხვევით ნომერზე დარეკვის მეთოდით შეირჩნენ.