„ევროპული საქართველოს“ ოფისში გაიმართა გაერთიანებული ბრიფინგი, სადაც სამი ოპოზიციური პარტიის, „ევროპული საქართველოს“, „გირჩი - მეტი თავისუფლებისა“ და პოლიტიკური მოძრაობა „ დროას“ ლიდერებმა, გიგა ბოკერიამ, ზურაბ ჯაფარიძემ და ელენე ხოშტარიამ განაცხადეს, რომ კოალიციური შეთავაზების ფარგლებში თბილისში, მაჟორიტარულ ნაწილში შეთანხმებულ კანდიდატებს დაასახელებენ, რომელთაც მხარს ასევე დაუჭერს „ნაციონალური მოძრობაც“. პარტიები მაჟორიტარულ კანდიდატებს კვირას, 15 აგვისტოს დაასახელებენ.

„ეს არი არის უბრალო არჩევნები, სადაც არის მწვავე დაპირისპირება ოპოზიციას, მის სხვადასხვა ნაწილებს შორის, ერთმანეთში, ხელისუფლებასთან, ეს არის არჩევნები, რომლის შედეგადაც უნდა გამოვიყენოთ ისტორიული შანსი, რომ ეს ქვეყანა დაბრუნდეს, როგორც ნაწილი თავისუფალი სამყაროსი, რაც ჩვენი ისტორიული არჩევანია, რომ ამ ქვეყნის დამოუკიდებლობა იქნას დაცული და სუვერენიტეტი გარე მტრისგან და ქვეყნის შიგნით იყოს დაცული პიროვნული თავისუფლება ყველა ჩვენი მოქალაქის. ამ ტიპის პოლიტიკური ბრძოლაა ბოროტებასა და თავისუფლებას შორის. მნიშველოვანია, რომ ყველას ესმოდეს, რომ ოპოზიციის უდიდეს, კრიტიკულ ნაწილს ესმის კარგად, რომ ამ მავნებული, საზიანო და სახიფათო ხელისუფლების გამოცვლის შემდეგაც არცერთი პოლიტიკური ძალის ხელში არ უნდა მოხდეს სრული ძალაუფლების კონცენტრაცია. ეს არის საკვანძო ნაწილი და ამასთან ერთად ჩვენ ვაპირებთ, რომ შევჯერდეთ ფუნდამენტურ საკითხებზე, რომელმაც უნდა უზრუნველყოს ყველა ადამიანის თავისუფლება და შანსი რომ თვითონ მოიპოვოს ბედნიერება, საკუთარი შრომით და ეკონომიკური თავისუფლება, მთავრობის შეზღუდვა ზომით, უფლებებით და შესაძლებლობით, რომ ჩვენს ცხოვრებას ხელი შეუშალოს ივანიშვილის რეჟიმის დამარცხების შემდეგ. კვირას მაჟორიტარულ კანდიდატებს გაგაცნობთ და მე იმედი მაქვს, სწორედ ისე როგორც აქ მოხდა კრიტიკულ ნაწილს შორის ოპოზიციის შეჯერება ამ საკითხებზე, ასევე მოხდება შეჯერება სხვადასხვა კონფიგურაციით რეგიონებში და ეს მოხდება რამდენიმე დღეში და არა კვირეების შემდეგ. ჩვენ უკვე დავაგვიანეთ, თუმცა სჯობს გვიან ვიდრე კიდე უფრო გვიან ან არასდროს“ - განაცხადა „ევროპული საქართველოს“ ლიდერმა გიგა ბოკერიამ გამართულ ბრიფინგზე.