ინტელექტკლუბის „რა? სად? როდის“ წევრი ცვატა ბერძენიშვილი გაუარესებული ეპიდვითარების შესახებ წერს . იგი ამბობს, რომ თავისუფლებაზე საუბრით, მათ შორის, ბევრი მისი მეგობარიც დღევანდელ ეპიდემიოლოგიურ ვითარებას უწყობს ხელს.

„რაჭა-ლეჩხუმში ალბათ ბევრი ვყოფილვართ, ალბათ ბევრსაც გვიყვარს – კარგი მხარეა, კარგი ხალხი ცხოვრობს – გულღია, მხიარული, სტუმართმოყვარე და ა.შ.

ახლა წარმოვიდგინოთ, რომ ამ შესანიშნავ მხარეში მუნიციპალური ცენტრები – ცაგერი, ონი და ამბროლაური – სრულად გაქრეს. სამი ქალაქი უცებ აღიგავოს პირისაგან მიწისა მთელი თავისი მოსახლეობით ისე, რომ ვერც ერთი ადამიანი ვერ გადარჩეს, როგორი რეაქცია გვექნება? – ალბათ, ჭკუიდან გადავალთ, გავგიჟდებით, გადავირევით და ა.შ. – სრულად სამართლიანად და ლოგიკურად.

სანამ ბევრი ადამიანი (მათ შორის, სამწუხაროდ, ბევრი ჩემი მეგობარიც) „ვისაც უნდა აიცრას, ვისი რა საქმეა, რატომ ამუნათებთ???“ ტექსტებით მოძრაობს, ფიგურალურად უკვე მოხდა ის, რაც ზემოთ აღვწერე – საქართველოში კორონავირუსით უფრო მეტი ადამიანია მკვდარი, ვიდრე ზემოხსენებული სამი ქალაქის მოსახლეობაა ჯამურად (ეს ოფიციალურად – რეალურად უფრო მეტი მსხვერპლი იქნება).

ეს სტატუსი ხომ წაიკითხეთ? ახლა გააგრძელეთ სქროლვა და “პირად თავისუფლებაზე“ საუბარი .

რელიგიური თუ სხვა საბაბით მოტივირებულ ანტივაქსერულ საუბრებზე აღარც შევჩერდები“-წერს იგი.