Forbes-ის მილიარდერების რეიტინგის ახალი მონაცემებით, 45 წლის ქართველი მილიარდერი მიხეილ ლომთაძე ქონებით ბიძინა ივანიშვილს უსწრებს და რეიტინგში 596-ე ადგილს იკავებს. მის ანგარიშზე 5,1 მილიარდია.

თავად ივანიშვილის ქონება 4,8 მილიარდადაა შეფასებული და Forbes-ის რეიტინგში 632-ე პოზიციაზეა.

წარმოშობით ბათუმელი მიხეილ ლომთაძე ყაზახური ფინტექპლატფორმის „კასპის“ დამფუძნებელია.

„კასპი“ ყაზახეთის უდიდესი საგადახდო და ფინტეკური (ფინანსური ტექნოლოგიების) კომპანიაა. მას ყოველთვიურად 7 მილიონზე მეტი მომხმარებელი ჰყავს.