"მთავარი არხის" ინფორმაციით, თბილისის შემდეგ "ქართული ოცნება" წინასაარჩევნო სიძულვილის კამპანიისთვის რეგიონებში ემზადება.

სისხლიანი ბანერები, სადაც ოპოზიციის ლიდერები და კრიტიკული არხების მედიამენეჯერები არიან გამოსახული, ზუგდიდში ჩაიტანეს. გავრცელებული ის ინფორმაციით, პლაკატები მერიაში დაასაწყობეს, თუმცა ამ ფაქტს ადმინისტრაციაში უარყოფენ.

"მძღოლს მოუტანეს ყუთით ბანერის ტიპის პლაკატები. როდესაც იძრებოდა მარშუტკა, შევამჩნიე, რომ თბილისში რომ არის იდენტური პლაკატები იყო და უთხრეს მძღოლს, რომ მერიაში უნდა მიეტანა", - აცხადებს მგზავრი, რომელიც იმავე მიკროავტობუსით მგზავრობდა, რითიც დასახელებული ბანერები მძღოლს თბილისიდან გაატანეს.