"რუსეთი კვლავ ცდილობს ჩვენს ქცევას იმპერიის "დაჩად" - სააგარაკო გუბერნიად, სადაც ივლიან დასასვენებლად, "ხაჩაპურისთვის".. ამ შავბნელ პერსპექტივას თავს დავაღწევთ მხოლოდ ბრძოლით"

"რუსეთი კვლავ ცდილობს ჩვენს ქცევას იმპერიის "დაჩად" - სააგარაკო გუბერნიად, სადაც ივლიან დასასვენებლად, "ხაჩაპურისთვის".. ამ შავბნელ პერსპექტივას თავს დავაღწევთ მხოლოდ ბრძოლით" - ნიკა მელია

პოლიტიკა - 10:28, 08 Aug, 2021

1523

"ნაციონალური მოძრაობის" ლიდერი ნიკა მელია აგვისტოს ომის 13-წლისთავს სოცქსელში გამოეხმაურა.

"13 წელი გავიდა რუსეთ-საქართველოს ბოლო ომიდან. ქართველმა ვაჟკაცებმა თავი შესწირეს საქართველოს თავისუფლებას, ჩვენს მომავალს! უყოყმანოდ დადეს თავი სამსხვერპლოზე სამშობლოსათვის ბრძოლაში, ბრძოლაში, რომელიც არ დასრულებულა და ახლაც გრძელდება. ბოლო დღეებში რუსეთის მიერ გავრცელებული განცხადება სხვა არაფერია, თუ არა საქართველოს კვლავ დაჩოქების მცდელობა. რუსეთი კვლავ ცდილობს ჩვენს ქცევას იმპერიის "დაჩად" - სააგარაკო გუბერნიად, სადაც ივლიან დასასვენებლად, "ხაჩაპურისთვის"..ამ შავბნელ პერსპექტივას თავს დავაღწევთ მხოლოდ ბრძოლით. სხვანაირად ტყუილად დაღვრილად იქცევა 13 წლის წინ და საერთოდ საუკუუნეების მანძილზე, არაერთ ბრძოლის ველზე დაქცეული სისხლი. დიახ, დიდება გმირებს, მაგრამ არ შეიძლება სიტყვით ვადიდოთ და უმოქმედობით ჩრდილი მივაყენოთ მათ ხსოვნასგმირები უნდა ვადიდოთ ჩვენი ბრძოლით, შეურიგებლობით!"