არ შეიძლება ძალადობა ჟურნალისტებზე, ამის აღკვეთა უნდა მომხდარიყო, ხელისუფლებას წესრიგი უნდა დაეცვა... მე იმ დილით გავიარე ქაშვეთის წინ და ვნახე, რომ ეს ხალხი სალოცავად ნამდვილად არ იმყოფებოდა

არ შეიძლება ძალადობა ჟურნალისტებზე, ამის აღკვეთა უნდა მომხდარიყო, ხელისუფლებას წესრიგი უნდა დაეცვა... მე იმ დილით გავიარე ქაშვეთის წინ და ვნახე, რომ ეს ხალხი სალოცავად ნამდვილად არ იმყოფებოდა - ზურაბიშვილი

პოლიტიკა - 22:02, 07 Aug, 2021

1782

საქართველოს პრეზიდენტმა სალომე ზურაბიშვილმა "ქრონიკასთან" საუბრისას 5 ივლისის მოვლენები შეაფასა და განაცხადა, რომ ურნალისტებზე ძალადობა დაუშვებელია. ზურაბიშვილის აზრით, მომხდარის აღკვეთა შეიძლებოდა, ხელისუფლებას კი ამისი ვალდებულება ჰქონდა:

„საერთოდ გაუგებარია, არ შეიძლება ამ ფორმის ძალადობის გამოყენება ჟურნალისტებზე. მგონი, ამის აღკვეთა შეიძლებოდა. როგორც კი გამოცხადდა, რომ ქაშვეთში იქნებოდა შეხვედრა, 2 პარაკლისი, რა პარაკლისი?! მე გავიარე ეკლესიის წინ დილით და ვნახე, რომ ეს ხალხი, ვინც იქ იყო თავმოყრილი სალოცავად ნამდვილად არ იყო მოსული. როდესაც ხელისუფლება ხარ და შესაძლებელია ეს გადაიზარდოს სხვა რამეში, ამის აკრძალვა, წესრიგის დაცვა აუცილებელია. სამწუხაროა, რომ ეკლესიის ზოგმა წარმომადგენელმა ამაში მიიღო მონაწილეობა, თუნდაც, განცხადებებით.

კიდევ უფრო სამწუხაროა, როდესაც ვიცით, რომ პატრიარქის მთელი ცხოვრება მიძღვნილი იყო იმისკენ, რომ დაპირისპირება არ მომხდარიყო, არც შიგნით ეკლესიაში და არც საზოგადოებაში. რაც მისგან მესმის, ეს მისი მთავარი წუხილი და ზრუნვაა. ალბათ, ეს რომ ხდება ეკლესიაში მისთვის დიდი ტკივილია“,- განაცხადა ზურაბიშვილმა.