ბორჯომში მომხდარ მკვლელობასთან დაკავშირებით გავრცელებულ ინფორმაციას, რომლის მიხედვითაც მკვლელობაში ბრალდებული პირი წალკის მამათა მონასტრის ბერია, საპატრიარქო სპეციალური განცხადებით ეხმაურება. როგორც ინფორმაციაშია ნათქვამი, დაკავებული 2008 წლიდან მსახურობდა, თუმცა რამდენიმე წლის წინ დატოვა მონასტერი და სახლში დაბრუნდა:
"ჩვენთვის ცნობილი გახდა, რომ გუშინ ბორჯომში მომხდარ მკვლელობასთან დაკავშირებით ერთ-ერთი ბრალდებულია ერთ დროს წალკის მამათა მონასტრის ბერი ანტონი (მაისურაძე). იგი წალკის სოფელ ბერთას მამათა მონასტერში 2008 წლიდან მსახურობდა, თუმცა რამდენიმე წელია თვითნებურად დატოვა მონასტერი და ცხოვრობდა შინ.
ვადასტურებთ, რომ ბერი ანტონი ნამდვილად იყო დაბარებული გამოკითხვაზე. მიმდინარეობს გამოძიება. სავარაუდოდ, დეტალები მოგვიანებით გახდება ცნობილი" - წერია საპატრიარქოს მიერ გავრცელებულ განცხადებაში.
მასალის გამოყენების პირობები






