ამერიკის ჩრდილოეთსა და დასავლეთ ნაწილში გაჩენილმა ხანძრის 100-მდე კერამ დიდი ზარალი მიაყენა ქვეყანას. მხოლოდ კალიფორნიაში ცეცხლის აქტიური 12 კერაა, რომელთაგან ყველაზე მასშტაბური 14 ივლისს გაჩნდა.

მისი გამომწვევ სავარაუდო მიზეზად ელექტროგაყვანილობის ხაზზე ხის დაცემა დასახელდა. საბოლოოდ, ხანძარი 1 700 კვ. კილომეტრზე გავრცელდა და კალიფორნიის ისტორული ქალაქი გრინვილი მთლიანად გაანადგურა, რომელიც მეცხრამეტე საუკუნეში, ოქროს ციებ-ცხელების დროს დაარსდა.

განადგურებულია მინიმუმ 67 შენობა-ნაგებობა, 12 ათასზე მეტს კი საფრთე ამ დრომდე ემუქრება.

საბედნიეროდ ხანძარს მსხვერპლი არ მოჰყოლია. ზარალის ზუსტი ოდენობა კი ამ დრომდე უცნობია.