ლატვიის საგარეო უწყება აგვისტოს ომის 13 წლისთავთან დაკავშირებით სპეციალურ განცხადებას ავრცელებს და მხარდაჭერას გამოთქვამს საქართველოს ტერიტორიული მთლიანობისა და სუვერენიტეტის მიმართ. როგორც უწყების განცხადებაშია ნათქვამი, რუსეთი დღემდე აგრძელებს საქართველოს ოკუპაციას:

„საქართველოს წინააღმდეგ რუსეთის აგრესიიდან 13 წელი გავიდა. რუსეთი აგრძელებს საქართველოს სუვერენიტეტის დარღვევას მისი ტერიტორიის 20% -ის ოკუპაციით. ლატვია მტკიცედ უჭერს მხარს საქართველოს სუვერენიტეტს და ტერიტორიულ მთლიანობას და მოუწოდებს რუსეთს, სრულად შეასრულოს 2008 წლის ცეცხლის შეწყვეტის შეთანხმებით ნაკისრი თავისი ვალდებულებები“, - ნათქვამია ლატვიის საგარეო უწყების განცხადებაში.