აგვისტოს ომიდან 13 წლისთავთან დაკავშირებით მუხათგვერდის ძმათა სასაფლაოზე დილიდან იკრიბებიან ოპოზიციური პარტიების წარმომადგენლები. ცოტა ხნის წინ ადგილზე მივიდნენ "ნაციონალური მოძრაობის" წევრები და დაღუპულ გმირებს პატივი მიაგეს.

13 წელი გავიდა მას შემდეგ, რაც რუსეთი საქართველოს ტერიტორიაზე შემოიჭრა და მის აგრესიულ ქმედებებს სამხედრო პირებთან ერთად უამრავი მშვიდობიანი მოქალაქე ემსხვერპლა, ბევმა მათგანმა კი საცხოვრებელი სახლი დაკარგა და იძულებული გახდა, დაეტოვებინა საკუთარი კარ-მიდამო. რუსეთი დღემდე აგრძელებს უკანონო ბორდერიზაციას და თავს ესხმიან იმ ადამიანებს, რომლებიც საზღვრისპირა სოფლებში ცხოვრობენ.