მწერალთა ეროვნული აკადემიის წულუკიანისადმი მიძღვნილ წერილს მსახიობი და პოეტი ელდინო საღარაძე სოციალურ ქსელშუ ეხმაურება და წერს, რომ პუბლიკაციის გამოქვეყნების მეგობრებისგან გაიგო, რომლებიც ურეკავდნენ და ეკითხებდნენ, როგორ მიიღო მისთვის შეუფერებელ საქმიანობაში მონაწილეობა. როგორც საღარაძე აღნიშნავს, ის შეურაცხყოფილია, რადგან წერილის ავტორმა მისგან დამოუკიდებლად გამოიყენა პოეტის სახელი და გვარი.

როგორც საღარაძემ აღნიშნა, ეს პოსტი მწერალთა აკადემიიდან გასვლის განაცხადია:

"დილიდან არ წყდება ზარი ჩემს ტელეფონზე. მირეკავენ შეშფოთებული მეგობრები, აინტერესებთ რამ მიმაღებინა მონაწილეობა ჩემთვის ამ სრულიად შეუფერებელ საქმეში, რასაც ქ. თეა წულუკიანის მიმართ მწერალთა აკადემიის მიმართვა ჰქვია. მე კი მხოლოდ მათგან გავიგე ამ მიმართვის შესახებ. განსაკუთრებული წუხილი ამ ფაქტის გამო ბატონმა ლერი ალიმონაკმა გამოთქვა, როგორც ერთ-ერთმა ვითომ ხელისმომწერმა ამ მიმართვაზე. მხოლოდ ამ ყველაფრის შემდეგ წავიკითხე წერილი.

გაოგნებული ვარ. კობა არაბულის ნიჭიერებისა და პატრიოტობის ამბავი მთელმა საქართველომ იცის. მაგრამ ამას არც ნიჭიერება ჰქვია და არც პატრიოტობა. სრულად ვემიჯნები წერილის პათოსს და ვთხოვ ბატონ კობა არაბულის, ჩემი ეს პოსტი მწერალთა აკადემიიდან გასვლის განაცხადად ჩათვალოს, სადაც მხოლოდ იმ მოტივით შევედი, რომ ქართული საქმე მეკეთებინა. ასე არ კეთდება ქართული საქმე!

შეურაცხყოფილი ვარ. სულ მცირე, რაც მიმართვის ავტორს უნდა გაეკეთებინა, ის იყო, რომ ხელის მომწერებს შეთანხმებოდა.

ბატონმა ლერიმ მთხოვა, ამ განაცხადის ბოლოს მისი ხელმოწერაც დამესვა, როგორც პოსტის ყველა პუნქტის გამზიარებლისა" - წერს საღარაძე.