უგულავა მიიჩნევს, რომ დღეს შესაძლოა სასამართლომ პროკურატურის მოთხოვნა წინასწარ პატიმრობასთან დაკავშირებით არ დააკმაყოფილოს, მაგრამ კანონდარღვევით მას უფლებამოსილება შეუჩეროს:

„მსურს ვთქვა, რომ ის რასაც ახლა ვიტყვი შეიძლება კიდევ უფრო დამიმძიმოს მდგომარეობა, მე თავს მოვალედ ვთვლი, რომ საზოგადოებას სიმართლე ვამცნო.

ძალიან მარტივი ამოსაცნობია, რომ ეს პოლიტიკური საქმეა, ენამ წინ გაუსწო ბესელიას, როდესაც პროკურატურის მხრიდან პატიმრობის მოთხოვნა დააანონსა, ენამ წინ გაუსწრო პრემიერ-მინისტრს, როცა სევდია უგრეხელიძეს უთხრა რომ ის მალე იქნება პირველი ვიცე-მერი, ეს მოხდა ორი დღის წინ“, - აღნიშნავს უგულავა.

მისივე თქმით, დღეს მიმდინარე მოვლენები ყოველგვარ ზღვარს სცდებ და ადგილი აქვს სასამართლოზე ზეწოლას:

„ის რაც დღეს ხდება, ეს არის ყველა ზღვარს მიღმა. მიდის ამ სასამართლოზე და მოსამართლეზე არნახული ზეწოლა. ზეწოლას ახორციელებს ჯანყარაშვილი, პრემიერის ახლო ნათესავი, ჩხენკელი გენინსპექციაში მუშაობდა, ახლა კი რეგიონების უფროსად დაინიშნა, ჩხენკელის ძმა, მათი ერთ-ერთი ტელეკომპანიის დამფუძნებელი.

კონკრეტულად რა მექანიზმებით მიმდინარეობს ეს ზეწოლა მოგვიანებით მოგახსენებთ, ეს რომ ასეა შემიძლია გითხრათ იმ სურვილით რითიც მთავრობა მიმართავს მათ, მთავრობის სურვილი ჩემი დაპატიმრებაა. საერთაშორისო სკანდალის თუ სხვა მიზეზების გამო მათ სასამართლოს მოთხოვეს, რომ გადაყენება მაინც მოითხოვოს და მიაღწიოს დღეს შესაძლოა, არა დაპატიმრება, არამედ უფლებამოსილების შეჩერება დადგეს შედეგად. ქვეყანაში არსებობს კანონები, მე ან უნდა დამაპატიმრონ ან კანონი უნდა დაარღვიონ და უფლებამოსილება შემიჩერონ, ამ არსებებისგან განსხვავებით მე ვემსახურებოდი დამოუკიდებელი სასამართლოს იდეს, იმედს ვიტოვებ მოსამართლე ზეწოლას გაუძლებს, რაც შეეხება იმას, რომ ეს ცუდ პრეცედენტს ქმნის, ნებისმიერი არასასურველი პოლიტიკოსი შეიძლება მოიშოროს მთავრობამ, სასამართლო თავისი ბინძური ზრახვებისთვის გამოიყენოს, ეს ჩვენი ქვეყნის განვითარებას არსებითად შეაფერხებს. ეს ეხება არჩევითობას, როგორც ინსტიტუტს, რომლის დასამარებასაც დღეს მთავრობა აპირებს“, - განაცხადა გიგი უგულავამ.