გერმანიის ჯანდაცვის მინისტრის იენს შპანის განცხადებით, გერმანიაში მოქალაქეებს კორონავირუსის საწინააღმდეგო ვაქცინის მესამე დოზის გაკეთების შესაძლებლობა სექტემბერში ექნებათ

მისი თქმით, ე.წ. ბუსტერ დოზით აცრის საშუალება პირველ ეტაპზე ხანდაზმულებსა და მაღალი რისკის მატარებელ სხვა პირებს მიეცემათ. მობილური ვაქცინაციის ჯგუფები მოხუცთა თავშესაფრებში ივლიან და ბენეფიციარებს ფაიზერისა და მოდერნას ვაქცინებს შესთავაზებენ, მიუხედავად იმისა, თუ რომელი ვაქცინით ჩაუტარდათ მათ ვაქცინაცია მანამდე.