ფრაქცია "ქართული ოცნების" თავმჯდომარემ მამუკა მდინარაძემ სუს-ის მიერ ფარულ მიყურადებაზე გააკეთა კომენტარი და განაცხადა, რომ ყველაფერს ნიკა გვარამია იგონებს. მისი განმარტებით, გვარამიას სურს, ნაციონალური მოძრაობა და ქართული ოცნება ერთმანეთს გაუთანაბროს:

"ამას იგონებს გვარამია. რატომ იცით, ერთ წინადადებას გეტყვი, რამენაირად უნდა რომ გაათანაბროს ნაცმოძრაობა და "ქართული ოცნება" და არ გამოვა ეგ ამბავი", - თქვა მამუკა მდინარაძემ.

შეგახსენებთ, გუშინ "მთავარი არხის" გენერალურმა დირექტორმა ნიკა გვარამიამ პირდაპირ ეთერში წაიკითხა სუს-იდან მოპოვებული ჩანაწერები, სადაც აღწერილია, როგორ უთვალთვალებს სახელმწიფო უსაფრთხოების სამსახური პოლიტიკოსებს, მესამე სექტორის წარმომადგენლებს, აქტივისტებსა და ჟურნალისტებს.