ხმაური და დაპირისპირება იყო ხელვაჩაურის სოფელ სალიბაურში, სადაც ადგილობრივი მოსახლეობა ავტობანის მშენებლობისგან მიყენებულ ზიანს უკვე ორი თვეა აპროტესტებს.

დაპირისპირება პოლიციის მხრიდან კარვების აღებას მოჰყვა, რომელიც აქციის მონაწილეებს ადგილზე ჰქონდათ გაშლილი.

ადგილობრივები სახელმწიფოსგან იმ ზარალის ანაზღაურებას ითხოვენ, რომელიც ავტობანის მშენებლობის გამო მათ საცხოვრებელ სახლებს მიადგათ. ამ მოთხოვნით არა ერთხელ მიმართეს როგორც ადგილობრივ, ისე ცენტრალურ ხელისუფლებას, თუმცა დღემდე მათ პრობლემებს არავინ გამოხმაურებია.