ტოკიოში მიმდინარე ზაფხულის 32–ე ოლიმპიურ თამაშებზე ბერძნულ–რომაული სტილით მოჭიდავეთა ტურნირმა აიღო სტარტი.

ქართულ დელეგაციას კი მეექვსე ოლიმპიური მედლის მოპოვების შანსი გაუჩნდა პირველივე დღეს,

იაკობ ქაჯაიამ 1/4 ფინალში რუსი სერგეი სემიონოვი დაძაბულ ბრძოლაში 3:1 დაამარცხა და ნახევარფინალში ასპარეზობის უფლება მოიპოვა.

ფინალში გასასვლელ დაპირსპირებაში ქართველი მოჭიდავის მეტოქე ჩილელი იასმანი აკოსტა იქნება. შეხვედრა დღეს, თბილისის დროით 13:15 საათზე გაიმართება, ფინალი კი ხვალ, 2 აგვისტოს ჩატარდება.