საქართველოს სახელით მოასპარეზე ძალოსანმა ანტონ პლესნოიმ ოლიმპიადაზე -96 კილოგრამ წონით კატეგორიაში ბრინჯაოს მედალი მოიპოვა.

სამწუხაროდ, მან შეჯიბრის მიმდინარეობის დროს მძიმე ტრავმა მიიღო და მაქსიმალური შედეგის ჩვენება ვერ მოახერხა.

ატაცში პლასნოიმ 177 კილოგრამი დააფიქსირა და სამ სპორტსმენთან ერთად მეორე ადგილს იყოფდა. რაც შეეხება აკვრას, 210-იანი კილოგრამის აწევის მეორე, უშედეგო ცდის შემდეგ იგი პოდიუმიდან კოჭლობით გავიდა, რაც მის ტრავმაზე მიუთითებდა, მაგრამ მალევე დაბრუნდა და მესამე ცდაზე 210 კილოგრამი დააფიქსირა, რითაც ტოკიოს ოლიმპიურ თამაშებზე მედალი გაინაღდა. საბოლოოდ, საერთო ჩათვლაში ქართველმა 387 კილოგრამი ასწია, რითაც მე-3 ადგილი დაიკავა.