"ქართული ოცნებამ" შესაძლოა, საკონსტიტუციო ცვლილებების პროექტს გადახედოს და შეცვალოს, აცხადებს პარლამენტის ვიცე-სპიკერი გია ვოლსკი.

"უნდა გავითვალისწინოთ სხვა პოლიტიკური სუბიექტების აზრი, საზოგადოების აზრი და ამის შემდეგ უნდა ვთქვათ, რას ვაპირებთ... გარემოებები შეიცვალა და გამოჩნდა, რომ არათუ კონსენსუსისკენ მივდივართ, არამედ კონფროტაციის უფრო მაღალ ხარისხზე მივდივართ...არ ეკუთვნის პოლიტიკურ პარტიებს ეს ქვეყანა, ბევრჯერ მითქვამს, ეს არის ჩვენი მოსახლეობის, ხალხის ქვეყანა, რომელსაც ემსახურება პოლიტიკური პარტია, რომელსაც მანდატს აძლევს ხალხი და ამ მანდატით უნდა იმოქმედოს ყველამ," - ამბობს ვოლსკი.

შეგახსენებთ, რომ პარლამენტში დარეგისტრირებული საკონსტიტუციო ცვლილებების პროექტი შემდეგ პუნქტებს ითვალისწინებს:

• საარჩევნო ბარიერი 5-დან 2 პროცენტამდე მცირდება;
• საპარლამენტო ფრაქციის შესაქმნელად საკმარისი იქნება 7-ის ნაცვლად 4 წევრი;
• გენერალური პროკურორის ასარჩევად საჭირო იქნება მინიმუმ 90 დეპუტატის ხმა.