რა შემთხვევაში შეიძლება კოვიდ–ვაქცინის მეორე დოზის ჩანაცვლება სხვა მწარმოებილის ვაქცინით? – აღნიშნულ კითხვას ალერგოლოგ–იმუნოლოგი ბიძინა კულუმბეგოვი პასუხობს:

„თუ პირველი რეაქცია ხორციელდება, არ აქვს მნიშვნელობა ან RNM ვაქცინაზე, ან ვექტორულვაქცინაზე, ან ინაქტივირებულ ვაქცინაზე, იგივე სახეობის ვაქცინა მეორე დოზად ვერ გამოიყენება. ალტერნატივა ყოველთვის არის სხვა ჯგუფის ვაქცინა. მაგალითად, თუ რეაქცია არის „ფაიზერზე” შეგვიძლია შევთავაზოთ ინაქტივირებულივაქცინა, ან „ასტრაზენეკა“. თუ არის ინაქტივირებულვაქცინაზე, შეგვიძლია თავისუფლად შევთავაზოთ „ასტრაზენეკა” ან „ფაიზერი“,” – განაცხადა ბიძინა კულუმბეგოვმა.

მისივე თქმით, წითელი ნიშნული, რა დროსაც სხვა ვაქცინა უნდა ჩანაცვლდეს, მწვავე სისტემური ალერგიული რეაქციის განვითარება – ანაფილაქსიური შოკია.

„ჩვენთან საბედნიეროდ არ დაფიქსირებულა, მაგრამ თუ მოხდა თრომბოემბოლიური გართულება „ასტრაზენეკას” პირველ დოზაზე, რა თქმა უნდა, აქაც ვერ მოხდება იგივე ვაქცინის დოზის ადმინისტრირება და განიხილება ალტერნატიული დოზა. თრომბოემბოლიური გართულება არ დაფიქსირებულა, ალერგიაზე სულ 2-3 შემთხვევაა, რომელზეც საბოლოო დასკვნას ჩვენ დოკუმენტურად გავაფორმებთ და პაციენტებს და მათ მკურნალ ექიმებს გადავუგზავნით,” – განაცხადა ბიძინა კულუმბეგოვმა.