მარტვილის მუნიციპალიტეტის კურზუს თემის სოფელ დობერაზენის მკვიდრი ცხრა ოჯახი, რომელთაგან უმეტესობა სოციალურად დაუცველია, შეშის გარეშე იყო დარჩენილი. საქართველოს მთავრობამ, პრემიერ-მინისტრ ირაკლი ღარიბაშვილის ინიციატივით, აღნიშნული ოჯახების შეშით უზრუნველყოფის გადაწყვეტილება მიიღო.

შედეგად, საქართველოს რეგიონული განვითარებისა და ინფრასტრუქტურის სამინისტროს, გარემოსა და ბუნებრივი რესურსების დაცვის სამინისტროსა და

ფინანსთა სამინისტროს ერთობლივი ძალისხმევით, მოხერხდა 20 კუბური მეტრი შეშის მარაგის მობილიზება. აღნიშნული უწყებების წარმომადგენლებმა, კერძოდ, ფინანსთა სამინისტროს მომსახურების სააგენტოს, გარემოსა და ბუნებრივი რესურსების დაცვის სამინისტროს გარემოსდაცვითი ზედამხედველობის დეპარტამენტის, რეგიონული განვითარების სამინისტროს ინფრასტრუქტურის დეპარტამენტისა და ადგილობრივი ხელისუფლების წარმომადგენლებმა მოსახლეობას შეშა გადასცეს. (აქვე მოხდა შეშის დაჩეხვა და ოჯახებში დასაწყობება,

რათა მოსახლეობას მისი გამოყენებისას პრობლემები არ შექმნოდა.)

დობერაზენის მოსახლეობა მთლიანობაში 45 ოჯახს შეადგენს. საქართველოს მთავრობა მომავალშიც განახორციელებს სათანადო ღონისძიებებს სოციალურად დაუცველი მოსახლეობის დასახმარებლად.