ხოშტარია - მოქმედი მერის არჩევნების წინ პატიმრობაში ჩასმა ქვეყნისთვის საზიანო იქნება

სოც.მედია - 12:51, 21 Dec, 2013

2178

"მოქმედი მერის არჩევნების წინ წინასწარ პატიმრობაში ჩასმა იქნება ქვეყნისთვის ძალიან საზიანო!გამოიძიონ თუ მტკიცებულებები არის, გამჭვირვალედ (ღამის ორ საათზე არა), ღიად, მშვიდად", - წერს "ფეისბუქზე" ხოშტარია.

პროკურატურა უგულავასთვის პატიმრობის შეფარდებას ითხოვს. ამის შესახებ ფარცხალაძის უწყების მიერ გავრცელებულ განცხადებაშია აღნიშნული. "საქართველოს პროკურატურამ, დღეს 2013 წლის 21 დეკემბერს, შუამდგომლობით მიმართა თბილისის საქალაქო სასამართლოს და მოითხოვა ბრალდებულ გიორგი უგულავასთვის აღკვეთის ღონისძიების სახით პატიმრობის შეფარდება.

ქ. თბილისის მერს 2013 წლის 18 დეკემბერს წარედგინა ბრალდება საქართველოს სისხლის სამართლის კოდექსის 182-ე მუხლის მე-2 და მე-3 ნაწილებით - სამსახურებრივი მდგომარეობის გამოყენებით, ორგანიზებული ჯგუფის მიერ, დედაქალაქის განვითარების მიზნით შექმნილი ა(ა)იპ „თბილისის განვითარების ფონდისთვისათვის“ გამოყოფილი დიდი ოდენობით საბიუჯეტო სახსრების გაფლანგვის ფაქტზე.

გიორგი უგულავასათვის წარდგენილი ბრალდება წარმოადგენს განსაკუთრებით მძიმე კატეგორიის დანაშაულს და ითვალისწინებს თავისუფლების აღკვეთას 7-დან 11 წლამდე ვადით", - ნათქვამია პროკურატურის განცხადებაში.