“პარლამენტის დატოვება, არჩევნების ბოიკოტი თუ ორივე ერთად არ ვიცი რას უშველის... ოპოზიციამ უნდა გააკეთოს ყველაფერი, რომ მოქალაქეები იდგნენ რუსთაველზე და მათ იცოდნენ - იშლებიან ივანიშვილის გაძევების შემთხვევაში“

“პარლამენტის დატოვება, არჩევნების ბოიკოტი თუ ორივე ერთად არ ვიცი რას უშველის... ოპოზიციამ უნდა გააკეთოს ყველაფერი, რომ მოქალაქეები იდგნენ რუსთაველზე და მათ იცოდნენ - იშლებიან ივანიშვილის გაძევების შემთხვევაში“ - ბაჩუკი ქარდავა

პოლიტიკა - 19:37, 28 Jul, 2021

2375

ქართული ოცნების მიერ შარლ მიშელის დოკუმენტის ანულირებას ეხმაურებიან პოლიტიკოსები. ოპოზიციის ნაწილი პარლამენისა და მომავალი არჩევნების ბოიკოტზე საუბრობს, ნაწილი ლიდერებისა კი საყოველთაო პროტესტის აუცილებლობაზე. ეროვნულ-დემოკრატიული პარტიის თავმჯდომარე ბაჩუკი ქარდავა ირაკლი კობახიძის დღევანდელ განცხადებას ფეისბუქის გვერდზე გამოეხმაურა, ოპოზიციონერი დეპუტატი ამბობს, რომ ოპოზიცია უნდა იყოს თანმიმდევრული და ივანიშვილის ხელისუფლებას ფართომასშტაბიანი პროპტესტით უნდა უპასუხოს. ქარდავა მმართველი გუნდის ამ განცხადებაში ახალს ვერაფერს ხედავს და ამბობს, რომ ხელისუფლებამ აღიარა დღეს ის, რაც თავიდანვე ცხადი იყო.

19 აპირილის შეთანხმების ანულირების დეკლარილებით, დღეს ხელისუფლებამ მხოლოდ აღიარა, რომ ეს შეთახმება ხელმოწერისთანავე იყო განწირული ანულირებისთვის, და ეს ცხადზე ცხადი იყო ბევრისთვის !

ჩემი აზრით დღევანდელ თავხედობაში სიახლე ისა, რომ ივანიშვილმა მისთვის დამახასიათებელი ცინიკურობით, დეკლარილებულად, ყოველგვარი შენიღბვის გარეშე, გადააგდო დემოკრატიული სამყარო თავის ელჩებიან, პრეზიდენტებიანად... ღიად გააკეთა ის, რასაც შიდა მოხმარებაში ხშირად იყენებდა ოპოზიციასთნ, სამოქალაქო სექტორთან, თუ ზოგადად საქართველოს მოსხლეობასთან.

დღევანდელი ნაბიჯით დასავლეთისგან ეხლა უკვე ოფიციალურად დისტანცირებულმა ივანიშვილის რეჟიმმა, კიდევ უფრო გარდაუვალი გახადა, რაც ისედაც ლეგიტიმური გახლდათ...

რეჟიმი უნდა გავყაროთ!

ნებისმიერი ხერხებით, ივანიშვილის მმართველობა უნდა დასრულდეს საქართველოში! რა თქმა უნდა, მომხრე ვარ ეს ყველაფერი კონსტუტუციურ ჩარჩოებში და მშვიდობიანად გაკეთდეს, თუ ამის საშუალებას ხალხს თავად ხელისუფლება მისცემს.

ასე, რომ არ ვიცი - პარლამენტის დატოვება, თვითმართვეობის ბოიკოტი, თუ ორივე ერთად, რას უშველის, მაგრამ ის ზუსტად ვიცი, რომ პირველ რიგში თანმიდევრული და პრინციპულები უნდა ვიყოთ ქართული ოპოზიცია და ადრიან შემოდგომაზე ყველაფერი გაკეთდეს იმისთვის, რომ საქართველოს უამრავი მოქალაქე იდგეს რუსთაველზე და მათ ზუსტად იცოდენენ - იშლებიან მხოლოდ ივანიშვილის პოლიტიკიდნ გაძევების შემთხვევაში... !“ -წერს ედპ-ის ლიდერი ფეისბუქის გვერდზე.