გზა პოლიტიკური კრიზისისკენ - “ოცნების“ გადაწყვეტილება საფრთხეს უქმენის საქართველოს მომავალს - არასამთავრობო სექტორის პროტესტი მმართველ გუნდს

პოლიტიკა - 19:17, 28 Jul, 2021

966

ძალაუფლების შენარჩუნების სურვილი და გზა პოლიტიკური კრიზისის გაღრმავებისკენ - ასეთ შეფასებას აძლევენ საქართველოში მოქმედი არასამთავრობო ორგანიზაციები „ქართული ოცნების“ მიერ შარლ მიშელის დოკუმენტის ანულირებას, რომლის შესახებაც მამრთველი გუნდის ეს გადაწყვეტილება პარტიის ლიდერმა ირაკლი კობახიძემ გაახმოვანა.

„ხელმომწერი ორგანიზაციები ვეხმიანებით მმართველი პარტიის თავმჯდომარის, ირაკლი კობახიძის, განცხადებას, „ქართული ოცნების" მიერ 19 აპრილს ევროკავშირის მედიაციით ხელმოწერილი, ე.წ. შარლ მიშელის შეთანხმებიდან გასვლის თაობაზე.

მიგვაჩნია, რომ აღნიშნული გადაწყვეტილება, ხელისუფლების მხრიდან წარმოადგენს აშკარა უარს საქართველოს ევრო-ატლანტიკურ კურსსა და დემოკრატიული რეფორმების გზით ქვეყნის მშვიდობიან განვითარებაზე. „ქართული ოცნების" გადაწყვეტილება არის გზა წინასაარჩევნოდ პოლიტიკური კრიზისისა და პოლარიზაციის გაღრმავებისაკენ და ემსახურება მხოლოდ ძალაუფლების შენარჩუნების სურვილს, რასაც „ქართული ოცნება" მზადაა, შესწიროს ქვეყნის კეთილდღეობა, დასავლური კურსი, დემოკრატიული განვითარება და მეგობრული ურთიერთობები სტრატეგიულ პარტნიორებთან“ - ნათქვამია მესამე სექტორის განცხადებაში, რომელსაც ხელს აწერენ.

საქართველოს დემოკრატიული ინიციატივა (GDI)

საერთაშორისო გამჭვირვალობა-საქართველო (TI Georgia)

ღია საზოგადოების ფონდი (OSGF)

სამართლიანი არჩევნებისა და დემოკრატიის საერთაშორისო საზოგადოება (ISFED)