პარტია "ლელო საქართველოსთვის" ქართული ოცნების მიერ მიშელის დოკუმენტის ანულირებას გამოეხმაურა და არ გამორიცხა, რომ თვითმმართველობის არჩევნებს პროტესტის ნიშნად გამოეთიშოს. აღნიშნულის შესახებ პარტიის ლიდერმა მამუკა ხაზარაძემ განაცხადა, რომ ოცნების შეთანხმების დოკუმენტიდან გასვლა საქართველოში დესტაბილიზაციის მცდელობაა:

"ქართულმა ოცნებამ კარგად იცის მისი რეიტინგი და იმიტომ გამოვიდა ამ შეთანხმებიდან, რომ ისინი 43% ვერ ააგროვებდნენ არჩევნებში. მოვუწოდებთ საზოგადოებას და ოპოზიციურ ძალას, დავიწყოთ კონსულტაციები სასწრაფოდ.

ოპოზიციონერ პარტნიორებთან ერთად მივიღებთ გადაწყვეტილებას, რა ნაბიჯებს გადავდგამთ. თუ საჭირო იქნება, არ გამოვრიცხავ ადგილობრივი არჩევნების ბოიკოტსაც. ამ ქვეყანაში უნდა დამთავრდეს ტყუილის ტირაჟირება", - განაცხადა ხაზარაძემ.