ენმ-ს წევრის ხატია დეკანოიძის მიმართ თავდასხმისა და ჟურნალისტურ საქმიანობაში ხელის შეშლის ფაქტზე გაოძიებამ "მთავარი არხის" ჟურნალისტი თათია წოწონავა გამოკითხა. მისი თქმით, საქმეზე დაკითხულია ასევე თავდასმხსმელი გიორგი ომანიძე, თუმცა ის პოლიციას არ დაუკავებია:

"არაფხიზელ მდგომარეობაში მყოფი პირი ცდილობდა ჩვენთვის ავტომობილის დაჯახებას და შემდგომ აგრესიით გამოირჩეოდა განსაკუთრებით და პირდაპირ აგინებდა კონკრეტულ პარტიას, "ერთიან ნაციონალურ მოძრაობას" და გვაყენებდა შეურაცხყოფას. ასევე, ამბობდა, რომ მას პატრულის არ ეშინია, ყველაფერი მოვუყევი პოლიციას. როგორც მივხვდი, გიორგი ომანიძე უკვე არის გამოკითხული, თუმცა ჯერ-ჯერობით როგორც ჩანს არაა დაკავებული", - განაცხადა წოწონავამ.

შეგახსენებთ, რამდენიმე დღის წინ, ინტერვიუს ჩაწერისას ენმ-ს წევრ ხატია დეკანოიძესა და ჟურნალისტებს იმანიძემ ჯერ ავტომობილის დაჯახება სცადა, შემდეგ კი ადგილზე მყოფ პირებს შეურაცხყოფა მიაყენა.

გამოძიება ადმინისტრაციული კოდექსის 166-ე მუხლით დაიწყო, რაც წვრილმან ხულიგნობას გულისხმობს და 500 ლარიდან 1000 ლარამდე დაჯარიმდება ან 15 დღემდე ადმინისტრაციულ პატიმრობას ივალისწინებს.