ძლიერი წვიმის შედეგად ბათუმში ათამდე ქუჩა დაიტბორა. უხვმა ნალექმა ე.წ. ჭაობის დასახლებაში არაერთი კერძო და კომერციული ფართი დააზიანა. დატბორილია სახლების პირველი სართულები.

უხვი ნალექის გამო საერთაშორისო რეისი ვერ მიიღო ბათუმის აეროპორტმა და რეისი თბილისში გადამისამართდა.

სტიქიის შედეგად, გონიო-კვარიათისა და კახაბრის ადმინისტრაციულ ერთეულებში განვითარდა მეწყრული პროცესები.

სტიქიის შედეგად დაიტბორა რესპუბლიკური საავადმყოფოს მიწისქვეშა სართული, სადაც სამედიცინო ინვენტარია განთავსებული.

ამ დროისთვის ბათუმში ნალექის ინტესივობამ იკლო და ქალაქში საავტომობილო მოძრაობა აღდგა.

ფოტო "ბათუმელები"