3, 4, 5 აგვისტოს, ფ. თოდუას სამედიცინო ცენტრის მოწვევით კლინიკაში კონსულტაციებს ჩაატარებს მილანის Istituto Europeo di Oncologia სამეცნიერო კვლევითი ცენტრის წამყვანი სპეციალისტი, ქირურგი-მამოლოგი ნიკოლოზ ფერაძე.

ნიკოლოზ ფერაძე 2004 წლიდან მოღვაწეობს მილანის Istituto Europeo di Oncologia სამეცნიერო კვლევით ცენტრში და 2005 წელს მიღებული აქვს მილანის უნივერსიტეტის მაგისტრის ხარისხი მამოლოგიაში.

2009 წელს მიიღო Floriana Adinolfi Diomelli სახელობის ახალგაზრდა ექიმთა პრემია სარძევე ჯირკვლის კიბოს წინააღმდეგ ბრძოლაში შეტანილი წვლილისთვის.

გაიარა რეზიდენტურა მილანის უნივერსიტეტის სამედიცინო ფაკულტეტის ზოგადი ქირურგიის სპეციალობაში.

სტაჟირებას გადიოდა ირლანდიაში, დუბლინის St. Vincent University Hospital -ში, მამოლოგიაში და მიღებული აქვს სერტიფიკატი ირლანდიის გენერალური სამედიცინო საბჭოსგან სპეციალისტების სრული რეგისტრაციის შესახებ.

2017 წელს გაიარა სტაჟირება მამოლოგიის დარგში ამერიკის შეერთებული შტატების, ნიუ იორკის, Memorial Sloan Kettering Cancer Center - ში.

არის ევროპის ონკოლოგიური სკოლის - ESO-ს წევრი.

არის მრავალი სამეცნიერო სტატიისა და კვლევის ავტორი და თანაავტორი.

სარძევე ჯირკვლის რობოტული ქირურგიის პროექტის ერთ-ერთი დამფუძნებელი და პიონერი.

სტუმრობის დროს, ნიკოლოზ ფერაძე დაესწრება თოდუას კლინიკის კონსილიუმებს მულტიდისციპლინურ გუნდთან ერთად.

ქირურგ-მამოლოგ ნიკოლოზ ფერაძესთან კონსულტაციებზე წინასწარი ჩაწერა ხორციელდება თოდუას კლინიკის ცხელი ხაზის მეშვეობით- 2 57 57 57