"ნიუპოსტი" ფარცხალაძის უწყების განცხადებას უცვლელად გთავაზობთ:

"2013 წლის 20 დეკემბერს, საქართველოს მთავარი პროკურატურის მიერ გატარებული საგამოძიებო მოქმედებების შედეგად, ბრალდებულის სახით დაკავებულ იქნა ზუგდიდის საპატრულო პოლიციის თანამშრომელი გოგა ანჩაბაძე, წინასწარი შეცნობით ორსული ქალის გაუპატიურების მცდელობის ფაქტზე. 21 დეკემბერს მას წარედგინება ბრალდება და პროკურატურა მიმართავს სასამართლოს მის მიმართ აღკვეთის ღონისძიების სახით პატიმრობის გამოყენების შუამდგომლობით.

გამოძიება გრძელდება საქართველოს სისხლის სამართლის კოდექსის 19,137-ე მუხლის მესამე ნაწილით, რაც ითვალისწინებს თავისუფლების აღკვეთას 9-დან 12 წლამდე ვადით", - ნათქვამია პროკურატურის განცხადებაში.