რამდენიმე წუთის წინ ავტოსაგზაო შემთხვევა მოხდა ჭავჭავაძის გამზირზე, თბილისის სახელმწიფო უნივერსიტეტის პირველი კორპუსის წინ.

როგორც "ნიუპოსტის" კორესპონდენტი შემთხვევის ადგილიდან იტყობინება, ერთმანეთს „გოლფის“ მარკისა და „ჯიპის“ მოდელის ავტომობილები შეეჯახნენ. შეჯახება იმდენად ძლიერი იყო, რომ „ჯიპის“ მოდელის ავტომობილი ამოტრიალდა.

შემთხვევას მსხვერპლი არ მოჰყოლია, არიან მსუბუქად დაშავებულები. ადგილზე მობილიზებულია საპატრულო პოლიცია და სსასწრაფო დახმარების ბრიგადა.

მოძრაობას ჭავჭავაძის გამზირზე, ვარაზის ხევიდან ვაკის მიმართულებით საპატრულო პოლიცია არეგულირებს.