თბილსის მერია ქალაქის ქუჩებში სიძულვილისა და დისკრიმინაციისკენ მიმართული პლაკატების გაკვრის ფაქტს სპეციალური განცხადებით ეხმაურება. როგორც განცხადებაშია აღნიშნული, თბილისის მერიის მუნიციპალური ინსპექცია ფაქტთან დაკავშირებით კანონის ფარგლებში იმოქმედებს:

"ვრცელდება ინფორმაცია, რომ დედაქალაქის სხვადასხვა ქუჩაზე მოქალაქეთა ჯგუფმა თვითნებურად გააკრა პლაკატები და დაამახინჯა ქალაქის იერსახე, რაც უკანონო ქმედებაა.

აღნიშნული პლაკატების ჩამოხსნას უზრუნველყოფს „თბილსერვის ჯგუფი“, ხოლო რაც შეეხება კანონდამრღვევთა დაჯარიმებას, თბილისის მერიის მუნიციპალური ინსპექცია იმოქმედებს კანონის ფარგლებში" - ნათქვამია თბილისის მერიის განცხადებაში.