დავიწყებ ბოდიშით. ძალიან ვწუხვარ, რომ ირაკლი ღარიბაშვილის უკარგესმა შვილებმა იდარდეს და ინერვიულეს... თუმცა, იმ ადამიანებსაც ჰყავთ შვილები, რომლებიც პლაკატებზე სისხლის ფერში გამოსახეთ

დავიწყებ ბოდიშით. ძალიან ვწუხვარ, რომ ირაკლი ღარიბაშვილის უკარგესმა შვილებმა იდარდეს და ინერვიულეს... თუმცა, იმ ადამიანებსაც ჰყავთ შვილები, რომლებიც პლაკატებზე სისხლის ფერში გამოსახეთ - ჟორჟოლიანი

პოლიტიკა - 13:53, 24 Jul, 2021

4110

ტელეწამყვანი და "მთავარი არხის" სახე ნანუკა ჟორჟოლიანი თბილისის ქუჩებში დისკრიმინაციული პლაკატების გაკვრის ფაქტს სოციალურ ქსელში ეხმაურება. ჟორჟოლიანი აქვე ბოდიშს უხდის ღარიბაშვილის არასრულწლოვან შვილებს და წერს, რომ ბავშებს არ უნდა ეხებოდეთ ოჯახის წევრების პოლიტიკური ბატალიები, თუმცა იმ ადამიანებსაც ჰყავთ შვილები, რომლებიც სიძულვილის პლაკატებზე არიან გამოსახულნი:

"დავიწყებ ბოდიშით. ძალიან, ძალიან ვწუხვარ რომ ირაკლი ღარიბაშვილის უკარგესმა შვილებმა იდარდეს და ინერვიულეს. განსაკუთრებით ვიდარდე ანდრიაზე, რომელიც პატარაა. არასრულწლოვან ბავშვებს არ უნდა ეხებოდეს მშობლის, ბაბუის, ბიძის პოლიტიკური ბატალიები და ჩემგან, პერსონალური ბოდიში მათ.

მაგრამ ბატონო ირაკლი, ეს რა პოლიტიკური ენაა, ან რა სურათებია და შემთხვევით ამ ადამიანებსაც ხომ არ ჰყავთ შვილები, სისხლის ფერში გახვეულ მშობლებს რომ დაინახავენ ყველგან, ქალაქის მასშტაბით. ან, ეს ჩემი შვილი სად შემოგისკუპებიათ. ასე ფიქრობთ არჩევნების ჩატარებას, რომელსაც სიცოცხლით სავსე ქალაქი ჰქვია? თუ, ნაციონალების ამომრჩევლისთვის სისხლს აანონსებთ?!

იმედია ეს ყველაფერი ქალაქიდან გაქრება. მგონია რომ თქვენივე მერობის კანდიდატი ამას არ მოგიწონებთ, სხვანაირად გამოდის სისხლით სავსე ქალაქი. და იმედია აღარავის შვილი აღარ დაისტრესება მშობლის გამო", - წერს ნანუკა ჟორჟოლიანი.