გოგა ანჩაბაძემ რამდენიმე თვის უკან მეგობრის ფეხმძიმე ცოლის ანა ძ-ს გაუპატიურება სცადა, ის მოტყუებით გამოიყვანა სახლიდან. რამდენიმე დღის შემდეგ, გოგა ანჩაბაძე შურისძიების მიზნით, მისმა მეგობარმა, დაზარალებული ქალბატონის მეუღლემ ავტომობილში ჩაისვა, იმავე ადგილზე, სადაც მისი მეუღლის გაუპატიურება სცადა სასტიკად სცემა, პოლიციის თანამშრომლის უნიფორმის სამხრეები ააგლიჯა და ყური მოაჭრა.

ანჩაბაძის ცემაში ბრალდებული ზუგდიდის სასამართლომ გირაოს სანაცვლოდ გაათავისუფლა, მისი გათავისუფლების მოთხოვნით სასამართლოს წინ აქციები მიმდინარეობდა.

გოგა ანჩაბაძის საქმე კი პროკურატურას გადაეცა.

როგორც დღეს "ნიუპოსტს" პროკურატურის პრესსამსახურის ხელმძღვანელმა თეიმურაზ დოლიძემ განუცხადა, ანჩაბაძე დაკავებულია და მასზე აღძრულია საქმე სისხლის სამართლის კოდექსის 137-ე მუხლით რაც 9-12 წლამდე პატიმრობას გულისხმობს.