გასულ წელს კალიფორნიასი ტყის ხანძრები მძვინვარებდა, მას ორი თვის განმავლობაში ებრძოდნენ და ვერ აქრობდნენ. შედეგად ამ ყოველივეს ერთი მეხანძრე ემსხვერპლა, ათობით კი დაშავდა.

ხანძრის გამომწვევ მიზეზთან დაკავშირებით გამოძიება მრავალი თვის მანძილზე მიმდინარეობდა და დადგინდა - ხანძარი ბავშვის სქესის დადგენის ცერემონიალმა გამოიწვია. ოფიციალური ინფორმაციით, წყვილმა გამოიყენა კვამლის წარმომქმნელი პიროტექნიკული მოწყობილობა და სწორედ აღნიშნულმა გააღვივა ხანძარი.

წყვილს ბრალად ედება გაუფრთხილებლობით სიცოცხლის მოსპობა და ხანძრის გამოწვევა, რის შედეგადაც დაშავდნენ ადამიანები და განადგურდა საცხოვრებელი სახლები.

მომხდარში წყვილი თავს დამნაშავედ არ სცნობს, თუმცა ამას სასამართლო გადაწყვეტს. მათ 20-წლიანი პატიმრობა ემუქრებათ.