კოალიცია ივანიშვილის წინააღმდეგ - ნიკა მელია გამაერთიანებელი კანდიდატი და ოპოზიციის მთავარი რაუნდი გადამწყვეტი ბრძოლის წინ

პოლიტიკა - 17:04, 22 Jul, 2021

4302

ვინ იბრძოლებს თბილისისთვის და ვინ იქნება დედაქალაქის მერი?

„ქართული ოცნების“ ხელისუფლებამ უკვე გააკეთა განაცხადი - ჯერი ოპოზიციაზეა.

ოპოზიცია და მისი ლიდერი, რომელიც ევროპამ სულ ცოტა ხნის წინ პოლიტიკურ პატრიმრად აღიარა და გამოსასყიდი გირაოც კი გადაიხადა ივანიშვილის ტყვეობიდან დასახსნელად, ე.წ. ანტიბიძინისტური კოალიციის შესაქმნელად ემზადება.

„ნიუპოსტის“ ინფორმაციით, კონსულტაციები საერთო ოპოზიციურ კანდიდატზე დიდი ხანია დაწყებულია. ის, რომ ნიკა მელია ამ ბრძოლაში უალტერნატივოა, ამაზე ყველა მოქმედი პარტია თანხმდება. მეტიც, ნაციონალური მოძრაობის თავმჯდომარე და გაერთიანებულიოპოზიციის ლიდერი შესაძლოა თბილისის მერის პოსტზე ზეპარტიული კანდიდატი გახდეს. ჩვენი ინფორმაციით მელიას მხარდაჭერას უცხადებენ როგორც საპარლამენტო ასევე არასაპარლამენტყო ოპოზიციურ პარტიები.

„ნიუპოსტი“ ჯერჯერობით თავს შეიკავებს იმ სავარაუდო პოლიტიკური სიბუექტების ჩამონათვლისგან, რომლებიც ერთად მოიყრიან თავს თვითმმართველობის არჩევნებში, სადაც დიდი ალბათობით მივიღებთ - „დიდი ოპოზიციური კოალიცია ივანიშვილის წინააღმდეგ“.

თუ ე.წ. ანტიბიძინისტური ძალების გეგმა - ნიკა მელია გახდეს ზეპარტიული კანდიდატი, განხორციელდა, რისთვისაც ოპოზიციის პრინციპულ ნაწილში აქტიური მუშაობა მიმდინარეობს, მაშინ ამოცანა - „ხელისუფლება 43%-ს ქვემოთ“, რეალისტური ხდება.

„ნიუპოსტის“ წყაროს ცნობით, თავად ნიკა მელია და მისი პოლიტიკური ძალა, „ერთანი ნაციონალური მოძრაობა“ მზადაა მაქსიმალური კომპრომისისთვის.

ჩვენი ინფორმაციით, იქმნება რეალობა, როდესაც ან ოპოზიციურად ხარ განწყობილი და მხარს უჭერ მელიას ან მისი კონკურენტობა, ფაქტობრივად, ივანიშვილის თამაშას ნიშნავს.

როგორ „ნიუპოსტს“ ოპოზიციურ პოლიტიკურ წრეებში ეუბნებია, აღნიშნული გეგმის განხორციელება, მიმდინარე კონსულტაციებიდან გამომდინარე, აბსოლუტურად რეალურია.