აშშ-ის სახელმწიფო დეპარტამენტი საქართველოში ბიზნესგარემოსა და უცხოური ინვესტიციების შესახებ ანგარიშს აქვეყნებს, სადაც წერია, რომ ქვეყანაში სასამართლო სისტემის დამოუკიდებლობის პრობლემა და მოსამართლეების დანიშნვით გამოწვეული ეჭვები ინვესტორების ნდობაზე ნეგატიურ გავლენას ახდენს.

ანგარიშში ასევე ნახსენებია ანაკლიის ღრმაწყლოვანი პორტის მშენებლობა, რომლის შეჩერების მიზეზიც სახელმწიფოს მხრიდან დესტრუქციული ნაბიჯების გადადგმა გახდა:

"საქართველოში სასამართლოს დამოუკიდებლობა და მასზე პოლიტიკური გავლენები კვლავ პრობლემურ საკითხად რჩება. მოსამართლეთა დანიშვნის პროცესებთან დაკავშირებული ეჭვები კი გავლენას ახდენს ინვესტორების ნდობაზე სასამართლო სისტემის მიმართ. ბევრი ინვესტორი თვლის, რომ საქართველოს სასამართლო სისტემა არის, ნელი, არაეფექტური, ნაკლებად გამჭვირვალე. რომელსაც ასევე აკლია კომპეტენცია. ეს გარემოება გავლენას ახდენს ინვესტორების ნდობაზე, მთლიანობაში საქართველოს ბიზნესგარემო და საინვესტიციო პირობები მყარია, თუმცა მზარდია უნდობლობა სასამართლო სისტემის მიმართ, რამდენად შეუძლია კომერციული საქმეების დამოუკიდებლად დროულად და გონივრულად განხილვა.

კომპანიები მუნიციპალურ დონეზე გადაწყვეტილების მიღების არაეფექტურ პროცესზე მიუთითებენ, ასევე არაეფექტურ ანტიმონოპოლიურ პოლიტიკაზე, მიკერძოებულ სამართალზე და რეგულაციებისა და კანონის შერჩევით აღსრულებაზე.

ანაკლიის პორტის მშენებლობის პროექტის ინვესტორი კომპანია დაობს, რომ სახელმწიფო მათ წინააღმდეგ დესტრუქციულ ნაბიჯებს დგამდა, რამაც საბოლოოდ პროექტის ფინანსური სიძნელეები განაპირობა.

მიუხედავად მთავრობის მტკიცებისა, რომ ის ერთგული რჩება ანაკლიის ღრმაწყლოვანი პორტის პროექტის მიმართ ინვესტორებსა და ადგილობრივ ბიზნესლიდერებს ამ განცხადებებში ეჭვი ეპარებათ", - ნათქვამია განცხადებაში.