დაავადებათა კონტროლის ეროვნული ცენტრის ხელმძღვანელის მოადგილის პაატა იმნაძის განცხადებით, ქორწილები და ქელეხები მსხვერპლშეწირვას ემსგავსება, ვირუსი კიდევ უფრო სწრაფად ვრცელდება და უამარვი ადამიანი იღუპება. მისივე თქმით, გამოსავალი აცრაშია, სხვაგვარად სიკვდილიანობა არ გაჩერდება:

"იღუპებიან ჩვენი ახლობლები, მეგობრები, ნათესავები, რა გითხრათ აღარ ვიცი. მსხვერპლშეწირვას ემსგავსება ჩვენი ქორწილები და ქელეხები. მე, სამწუხაროდ, კონკრეტული მაგალითებიც შემიძლია ვთქვა, უბრალოდ ვერ დავასახელებ, ეს იქნება გარკვეული პირადი ინფორმაცია. თორემ ქელეხის შემდეგ მსხვერპლი შეწირეს გარდაცვლილს და კიდევ ერთი ადამიანი კორონათი დაიღუპა, ახლახანს მოხდა ერთ-ერთ რაიონში.

უნდა ავიცრათ, სხვანაირად კორონა, უფრო სწორად, სიკვდილიანობა არ გაჩერდება" - განაცხადა იმნაძემ.