უკრაინის პრეზიდენტმა ვოლოდიმირ ზელენსკიმ ბათუმის 17-ე საერთაშორისო კონფერენციაზე სიტყვით გამოსვლილსას უკრაინის,ს აქართველოსა და მოლდოვას "ასოცირებული ტრიოს" შეთანხმების ფარგლებში რუსეთის მხრიდან საოკუპაციო მოქმედებებზე ისაუბრა და განმარტა, რომ ქვეყნის მომავლისთვის მნიშვნელოვანია ევროკავშირის წევრობის სტატუსი, ამისთვის კი უკრაინის ხელისუფლება ყველა იმ მოთხოვნას ასრულებს, რასაც დემოკრატიულობის ინდექსი მოითხოვს:

„ეს არის ჩვენი ფასეულობები. სამწუხაროდ, ჩვენ ამ მიღწევებისთვის განსაკუთრებულ ფასს ვიხდით. ოკუპაცია, ანექსია და სხვა საკითხები წლების განმავლობაში გვაბრკოლებდა.

ჩემი ვიზიტის ფარგლებში, საოკუპაციო ხაზთან ვიმყოფებოდი, რათა მენახა უსაფთხოებასთან დაკავშირებული საკითხები, ადამიანის უფლებების დარღვევების შესახებ საკუთარი ყურით მომესმინა. უკრაინაში საოკუპაციო ხაზთან ყოველდღე მივდივარ. ოკუპირებული ტერიტორიები ჩვენთანაც მსგავსი ტრაგიკული სიტუაციის მქონეა. ჩვენ კარგად გვესმის, რამდენად მნიშვნელოვანია ქვეყნის მომავლისთვის სწორი არჩევანის გაკეთება. უკრაინა, საქართველო და მოლდოვა არის ქვეყნები, რომელთაც არჩევანი გააკეთეს და დღეს ვართ გაერთიანებული.

მახარებს, რომ ევროპული საბჭოს პრეზიდენტი შარლ მიშელი ამ მოსაზრებას იზიარებს და აცხადებს, რომ „ასოცირების ტრიო“ მნიშვნელოვანია. ეს არის იმის აშკარა გზავნილი, რომ ევროკავშირს ხვალვე რომ შევუერთდეთ, უკრაინა აცნობიერებს, რა ამოცანები გვაქვს შესასრულებელი. ჩვენ ეს ამოცანები არ გვაშინებს. ჩვენ სხავადასხვა მიმართულებით მივიღეთ კანონი, განვახორციელეთ სასამართლო სისტემის რეფორმა. მოსამართლეთა მაღალი კვალიფიკაცია არის მოთხოვნა, რომელსაც ვაკმაყოფილებთ. გაციფროვნება, დეცენტრალიზაცია, პარლამენტის წევრთათვის იმუნიტეტის მოხსნა - ეს ის საკითხებია, რაზეც ჩვენ ვალდებულება ვიკისრეთ. ანტიკორუფციული მიმართულებით ძალისხმევა არის პირობა, რაც ჩვენ დავდეთ“, - ზელენსკიმ.