ბათუმში სასტუმრო "შერატონთან" აქცია იმართება. საერთაშორისო კონფერენციის მონაწილეებს მედიის წარმომადგენელები და სამოქალაქო აქტივისტები სხვადასხვა შინაარსის ბანერებით ხვდებიან: "არა ავტორიტარიზმს"; "ევროპა ჩვენი არჩევანია"; "გამოძიე" ;"მედია თავდასხმის ქვეშაა" წერია ბანერებზე.

აქციის მონაწილეებს ადგილზე მიტანილი აქვთ ლექსო ლაშქარავას ფოტოები. ისინი 5 ივლისის ძალადობრივი ქმედებების ავტორებისა და შემსრულებლების დასჯას ითხოვენ. ადგილზე მობილიზებულია პოლიცია.

ბათუმის 17-ე საერთაშორისო კონფერენცია ცოტა ხანში დაიწყება და მას ევროპული საბჭოს პრეზიდენტი შარლ მიშელი, უკრაინის პრეზიდენტი ზელენსკი, მოლდოვის პრეზიდენტი მაია სანდუ და საქართველოს პრეზიდენტი სალომე ზურაბიშვილი დაესწრებიან.