მოლდოვის პრეზიდენტი მაია სანდუ სოციალურ ქსელ "ტვიტერში" ბათუმის საერთაშორისო კონფერენციაზე მიშელთან, ზელენსკისა და ზურაბიშვილთან შეხვედრის გეგმებზე წერს და აღნიშნავს, რომ ეს არის საუკეთესო საშუალება, განიხილონ ის გეგმები, რომლებიც მოლდოვის, უკრაინისა და საქართველოს სამმხრივი ურთიერთობებისა და აღმოსავლეთ პარტიორობის მომავალს განამტკიცებს:

„მოუთმენლად ველი დღევანდელ დღეს ბათუმში, სადაც შევხვდები საქართველოს პრეზიდენტ სალომე ზურაბიშვილს, უკრაინის პრეზიდენტ ვლადიმირ ზელენსკის და ევროპული საბჭოს პრეზიდენტს შარლ მიშელს ბათუმის 2021 წლის კონფერენციის ფარგლებში. განვიხილავთ, როგორ გავაძლიეროთ მოლდოვის, საქართველოსა და უკრაინის სამმხრივი ურთიერთობები და აღმოსავლეთ პარტნიორობის მომავალს, ერთად უფრო ძლიერები ვართ“, - წერს მოლდოვის პრეზიდენტი.