ლუკა ბეჟანიძეს გულის გადანერგვა ესაჭიროება... კორონავირუსის გადატანის შემდეგ მდგომარეობა ძალიან დამძიმდა, ის სოციალურად დაუცველია და მის მცირეწლოვან შვილებს მამის გადარჩენა ყველაზე მეტად სჭირდებათ

საზოგადოება - 11:26, 19 Jul, 2021

1752

34 წლის ლუკა ბეჟანიძეს სასწრაფოდ ესაჭიროება გულის გადანერგვა.

მისი დიაგნოზია დილატაციური კარდიომიოპათია.

ლუკა ბეჟანიძეს საქართველოში ოთხჯერ ჩაუტარდა გულის შუნტირება. ოპერაციის შემდეგ ის 12 დღის განმავლობაში რეანიმაციულ განყოფილებაში კომაში იმყოფებოდა.

ჯანმრთელობის მდგომარეობის გაუმჯობესების შემდეგ მას სტენდირება ჩაუტარდა, ჩაუსვეს ორკამერიანი დეფიბრილატორი.

თუმცა პაციენტის მდგომარეობა დღითი დღე უარესდება.

ლუკა ბეჟანიძე მუდმივად ექიმების მეთვალყურეობის ქვეშ იმყოფება და საჭიროებს პერიოდულად კლინიკაში მკურნალობას.

ლუკამ კორონავირუსი გადაიტანა, რის შემდეგაც მისი ჯანმრთელობის მდგომარეობა მნიშვნელოვნად გაუარესდა.

გულის გადანერგვის ოპერაცია ბელარუსში უნდა ჩატარდეს.

მხოლოდ ოპერაციისთვის 100 ათასი დოლარია საჭირო. ამას ემატება 2500 დოლარი ორი რეანიმატოლოგის თანხლებისთვის, გზის, კლინიკაში განთავსების, ასევე ოპერაციის შემდგომი სარეაბილიტაციო ხარჯები.

ლუკა ბეჟანიძე მეუღლესა და ორ მცირეწლოვან შვილთან ერთად ქირით ცხოვრობს. ოჯახი სოციალურად დაუცველია და ამ ეტაპზე არანაირი ფინანსური საშუალება არ გააჩნია.

დრო კი ძალიან ცოტაა.

ლუკას და მის ოჯახს დახმარება სჭირდებათ და მხოლოდ კეთილი ადამიანების იმედი აქვთ.

ჩვენს ერთად დგომას არაერთი ადამიანი გადაურჩენია.

დაე, ლუკაც ჩვენს მიერ გადარჩენილი კიდევ ერთი ახალგაზრდა იყოს.

ყველა ოპერატორიდან საქველმომქედო ზარი

0 9 0 1 2 0 0 1 2 6

გაუზიარე შენი წილი სიკეთე

599 33 01 14

WhatsApp/ Viber

დანიშნულებაში მიუთითე: #ლუკა

paypal-ით

ჩარიცხვა