ესპანეთში, კოსტა ბრავას რეგიონში კაპ დე კრეუსის ეროვნულ პარკში ხანძარს ებრძვიან, რომელიც 400 ჰექტარზეა გავრცელებული. სტიქიასთან საბრძოლველად 90 სახანძრო ეკიპაჟი და სახანძრო თვითმფრინავებია მობილიზებული.

ხანძრის გავრცელების საშიშროების გამო, 350-ზე მეტ ადამიანს საკუთარი საცხოვრებლის დატოვება და დროებითი თავშესაფრის ძებნა მოუწია.

პოლიციის ვერსიით ხანძარი გადაგდებულმა სიგარეტის ნამწვმა გამოიწვია. ხანძრის გაჩენაზე პასუხისმგებელი პირის წინააღმდეგ სისხლის სამართლის საქმეა აღძრული.