ევროპის ქვეყნები წყალდიდობას ებრძვიან. სტიქიამ განსაკუთრებული ზიანი გერმანიასა და ბელგიას მიაყენა, სადაც ბოლო მონაცემებით, გარდაცვლილთა რიცხვი 180-ს აჭარბებს. ვარაუდობენ, რომ მსხვერპლი კიდევ გაიზრდება, რადგან მაშველები 1000-მდე დაკარგულს ამ დრომდე ეძებენ. სამძებრო-სამაშველო სამუშაოებში 15 ათასამდე პოლიციელი, სამხედრო და სამაშველო ჯგუფია ჩართული. ათასობით ადამიანი საცხოვრებელი სახლის გარეშეა დარჩებილი. გერმანია და ბელგია ზარალს ამ დრომდე ითვლის.

ზარალს ითვლიან ნიდერლანდებსა და ლუქსემბურგშიც, სადაც რამდენიმე ქალაქში მოსახლეობის ევაკუაცია გამოცხადდა. სტიქიური ზონების დასახმარებლად ევროკავშირმა მზადყოფნა გამოთქვა.

6 ადამიანი გარდაიცვალა და რამდენიმე დაკარგულად ითვლება თურქეთში რიზეს პროვინციაში, სადაც ძლიერმა წყალდიდობამ მეწყერი გამოიწვია. სტიქიამ დაანგრია სახლები, დააზიანა ავტომობილები და ინფრასტრუქტურა. წყალდიდობით გამო ასობით ადამიანის ევაკუაცია გახდა საჭირო.