"გადადგეს ირაკლი ღარიბაშვილი! დაისაჯოს ყველა მოძალადე!" - ამ მოთხოვნით, რუსთაველის გამზირზე, პარლამენტის შენობის წინ საპროტესტო აქცია დაიწყო.

გადაკეტილია ქვეყნის მთავარი გამზირი.

ტერიტორიაზე უკვე შეიკრიბნენ მოქალაქეები, აქტივისტები, პოლიტიკოსები და მედიის წარმომადგენლები. ის ადამიანები, რომლებსაც ქვეყანაში არსებული უსამართლობის, ჟურნალისტების მისამართით არსებული ძალადობის გაპროტესტება და ირაკლი ღარიბაშვილის გადადგომა სურთ.

პარლამენტთან ამ წუთებში სიტყვით გამოსვლები მიმდინარეობს.