"ვერე პალასში" იყო შეხვედრა დაგეგმილი, თუ როგორ დავათბოთ რუსეთთან ურთიერთობები, ამ შეხვედრის ორგანიზატორია ევრაზიის ფონდი და ირაკლი ყიფიანი.

მივედით ჩვენ ევროპული მოძარობისა და თავისუფალი ზონის წევრები და გავაპროტესტეთ ეს შეხვედრა. სირცვილია, როცა 2008 წლის შემდეგ შიდა ქართლიდან ადამიანებს ჩამოიყვან და ამ შეხვედრაში მიაღებინებ მონაწილეობას.

სამწუხაროა, რომ ხელს უწყობს ამას ხელისუფლებაც. ამ დროს მოვიდა ბევრი საპატრულო ეკიპაჟი, დაიწყეს იარაღის ქნევა, ეს გადაღებულია და დააკავეს აქციის ოთხი მონაწილე“ -აცხადებს "ნიუპოსტთან" მანანა ანდღულაძე ორგანიზაცია "ახალგაზრდები თავისუფალი ევროპისთვის" თავმჯდომარე. ანდღულაძე აცხადებს, რომ მათ არ იციან თუ სად გადაიყვანეს დაკავებულები, იციან მხოლოდ ის, რომ ამ წუთებში მათ კითხავენ.

მისივე თქმით, ადგილი არ ჰქონია დაპირისპირებას და მათ არც საავტომობილო გზის გადაკეტვა უცდიათ. "ნიუპოსტი" ინფორმაციის გადასამოწმებლად შინაგან საქმეთა სამინისტროს დაუკავშირდა. როგორც ჭიკაიძის უწყებაში განმარტავენ, "ვერე პალასთან" საპატრულო პოლიცია სასტუმროს მეპატრონემ გამოიძახა, რის შემდეგაც აქციის რამდენიმე მონაწილემ პატრულს წინააღმდეგობა გაუწია და ისინი დაკავებულები არიან, საქმე აღძრულია ადმინისტრაციულ სამართალდარვევათა კოდექსისი 173-ე მუხლით. - განუცხადეს "ნიუპოსტს" შსს-ში.

დაკავებულები არიან, დავით გოგოხია, ფარნაოზ ჭკადუა, ბესო კალადძე და სალომე მახარაშვილი.