ვოლგოგრადში პოლიციამ დააკავა 6 წლის ბავშვი, რომელიც ქუჩაში 275000 რუსული რუბლით დასეირნობდა.

როგორც გაირვა, ბიჭმა, რომელიც ბებიასთან, ორ ძმასთან და დასთან ერთად ცხოვრობს თანხა ოჯახური ყულაბიდან აიღო. ფულს ოჯახი სახლის რემონტისთვის აგროვებდა.

პირველად პოლიციის ყურადღება მარტო მოსეირნე პატარა ბავშვმა მიიპყრო, თუმცა, როდესაც სამართალდამცავები მას მიუახლოვდნენ, დაინახეს რომ ჯიბიდან 5000 რუბლიანი შეკვრები მოუჩანდა.

ბავშვმა პოლიციას არაფერს მოუყვა, მხოლოდ საკუთარი სახელი და გვარი დაუსახელა. ბავშვის სახლში მიყვანის დროს გაირკვა, რომ ბებიოამ დაკარგული ფულის შესახებ არაფერი იცოდა.